Бактиер Зайнутдиновтің трансферлік құны өсті
Футбол
«Бешикташ» клубының баспасөз қызметі
Қазақстан құрамасы мен Ыстамбұлдың «Бешикташ» клубының жартылай қорғаушысы Бактиер Зайнутдиновтің трансферлік құны өзгерді, деп хабарлайды BasSport.kz.
Transfermarkt мәліметінше, 25 жастағы хавбектің қазіргі құны 6,5 миллион еуроны құрайды. Өткен жылдың маусым айымен салыстырғанда оның құны 500 мыңға қымбаттаған.
Тамыз айында Зайнутдинов Мәскеудің ЦСКА-сынан Түркия клубына ауысқан болатын.
Айта кетейік, Бактиер Қазақстан құрамасының сапындағы ең қымбат ойыншы, тиісінше қазақстандық футболшылардың трансферлік рекордын да жаңартты.