УЕФА Ұлттар лигасының чемпионы белгілі болды
Футбол
Getty Images
Испания мен Хорватия құрамалары чемпиондық атаққа таласқан 2022-2023 жылғы УЕФА Ұлттар лигасының финалы мәресіне жетті, деп хабарлайды bassport.kz тілшісі.
Ұлттар лигасының финалы Нидерланд елінің Роттердам қаласындағы "Де Кейп (Фейеноорд) стадионында өтті. 120 минут бойы командалар бір-бірінің қақпасының кілтін таба алмай, жеңімпаз пенальти соққысы арқылы анықталды. 11 метрлік соққылар нәтижесінде Испания құрамасы 5:4 есебімен жеңіске жетті.
Ойындағы шешуші пенальтиді Даниэль Карвахаль соқты.
Ал УЕФА Ұлттар лигасының қола жүлдесі Нидерландты 3:2 есебімен жеңген Италия құрамасына бұйырды.