“Наполи” уақытынан бұрын Италия чемпионы атанды
Футбол
Италияның А Сериясы биылғы маусымының чемпионы уақытынан бұрын анықталды, деп хабарлайды bassport.kz тілшісі.
“Наполи” 33-тур ойындары аясында сырт алаңда “Удинезеге” қарсы өткізген матчта (1:1) чемпион атанды. Санди Ловричтің голына "Наполи" Виктор Осимхеннің нәтижелі соққысымен жауап қатты. Осы тең есеп "Наполидің" араға 33 жыл салып Италия чемпионы атануына мүмкіндік берді.
Соңғы рет Неаполь қаласының командасы 1989-1990 жылдар маусымында А Сериясында жеңімпаз атанған.
Қазір "Наполи" қоржынында 80 ұпай бар. Ал Италия чемпионаты бес турдан кейін ғана аяқталады.