“Милан” 16 жылда тұңғыш рет жартылай финалға шықты
Футбол
Чемпиондар линасы ширек финалының “Наполи” мен “Милан” командалары арасындағы қарымта матч 1:1 есебімен тең аяқталды, деп хабарлайды bassport.kz тілшісі.
Жартылай финал жолдамасы сарапқа салынған ойында “Милан” сапынан Оливье Жиру (43’) көзге түссе, “Наполи” құрамынан Виктор Осимхен гол соғып, есепті теңестірді.
Алғашқы матчта миландық клуб 1:0 еспбімен жеңіске жеткендіктен, екі кездесу қорытындысында 2:1 есебімен жартылай финалға жолдама алды.
”Милан” соңғы рет 2006-2007 жылдар маусымында Чемпиондар лигасы жартылай финалында ойнаған. Осыдан 16 жыл бұрын команда финалда “Ливерпульді” жеңіп, турнир чемпионы атанған еді.