Шахматтан әлем чемпионы Астанаға келуі мүмкін
Басқа
Шахматтан 16-әлем чемпионы, шахмат тәжінің қазіргі иесі норвегиялық гросмейстер Магнус Карлсен Астанаға келуі мүмкін, деп хабарлайды BasSport.kz тілшісі.
Магнус Карлсен әлеуметтік желідегі парақшасында Лос-Анджелесте түскен суретін жариялап:
”Астана шақыруда”, - деп жазды.
Айта кетейік, 7 сәуірден бастап Астанада Ян Непомнящий мен Дин Лижэнь 17-әлем чемпионы атағын сарапқа салып жатыр.
Өткен жылдың қазан айында Магнус Карлсен әлем чемпионы атағын қорғаудан бас тартқан болатын. Сол себептен үміткерлер турнирінің жеңімпазы Непомнящий мен сол турнирде екінші орын алған қытайлық гроссмейстер әлем чемпионы атағы үшін шеберлік байқасып жатыр.