УЕФА инспекторы «Қайсар Аренада» лицензиялау жұмысын бастады
Vesti.kz
UEFA инспекторы Скотт Струзерс Қызылорда облысына жұмыс сапарымен келіп, «Қайсар Арена» стадионын лицензиялау жұмыстарын бастады.
Тексерістің басты мақсаты — 2025 жылдың соңында пайдалануға берілген 11 мың орындық заманауи «Қайсар Арена» стадионын УЕФА талаптарына сәйкестендіру, сондай-ақ Еуропа чемпионаты секілді ірі деңгейдегі матчтарды өткізу мүмкіндігін қарастыру.
Айта кетейік, өткен жылы жаңа стадион UEFA Time бағдарламасына 4-санаттағы стадион ретінде енгізілген болатын. Сонымен қатар ойын алаңы FIFA тексерісінен өтіп, ең жоғары деңгейдегі FIFA QUALITY PRO сертификатын алған. Осыған байланысты Скотт Струзерс жаңа стадионның инфрақұрылымымен жан-жақты танысып, оның негізгі талаптарға сәйкестігін тексеруде.
«Қайсар Арена» ресми түрде 2025 жылдың 4 қазанында Қазақстан кубогының финалдық матчымен ашылған еді.
Айта кету керек, бұған дейін УЕФА инспекторы семейлік «Спартак» стадионында да тексеріс жүргізген. ҚФФ мәліметінше, тексерістің негізгі бағыттарының бірі — аренаның еурокубок матчтарын өткізу талаптарына сәйкестігін бағалау болған. Биылғы маусымда семейлік «Елімай» еурокубок додасында өнер көрсетуді жоспарлап отыр.