Рита Бакишева мен Руслан Жапаров Бельгиядағы турнирдің жеңімпазы атанды
Бүгін Бельгияның Ломмел қаласында таеквондодан Belgian Open G2 халықаралық турнирі аяқталды. Бұл бәсекеде Ұлттық құрама 2 алтын, 3 қола медаль жеңіп алды, деп
хабарлайды BasSport.kz тілшісі “Спортты дамыту дирекциясының” баспасөз қызметіне сілтеме жасап.
Отандастарымыздан Рита Бакишева (46 кг) мен Руслан Жапаров (+87 кг) өз салмағында қарсылас шақ келтірмеді. Ал Нұрбек Газез (63 кг), Мақсат Орынбасар (68 кг), Айдана Құмартаева (46 кг) үздік үштікті түйіндеді.
Енді Қазақстан ерлер құрамасы Париж қаласында Франция құрамасымен бірлескен оқу-жаттығу жиынын өткізеді. Ал әйелдер құрамасының 8 өкілі 20-27 наурыз аралығында Нюрнберг қаласына Германия құрамасымен бірге шеберлігін шыңдайды. Бұл жиыннан кейін Қазақстан құрамасы 1-4 сәуір аралығында Аустрияның Инсбург қаласы қабылдайтын халықаралық турнирде бақ сынамақ.