Қазақстанда гандболдан Азия чемпионаты өтеді

Қазақстанда гандболдан Азия чемпионаты өтеді
Басқа

ҰОК

23 қараша мен 3 желтоқсан аралығында Алматыда әйелдер құрамалары арасында гандболдан Азия чемпионаты өтеді, деп хабарлайды Bassport.kz ҰОК-ге сілтеме жасап. 

Құрлық біріншілігі 2027 жылғы әлем чемпионатына іріктеу болмақ. Турнир қорытындысы бойынша үздік төрт команда Мажарстанда өтетін әлем чемпионатына жолдама алады. 

Жарысқа он ұлттық құрама қатысады. Жеребе қорытындысы бойынша Қазақстан құрамасы В тобына түсті. Бұл топта Оңтүстік Корея, Үндістан, Аустралия және Өзбекстан құрамалары бар. Ал Жапония, Иран, Қытай, Гонконг және Таиланд А тобында өнер көрсетеді. 

Қазақстандық гандболшылар турнирдегі алғашқы ойынын 23 қарашада Аустралия құрамасына қарсы өткізеді.