“Барыс” маусымдағы соңғы ойынын өткізеді
Хоккей
Құрлықтық хоккей лигасы тұрақты маусымы аясында “Барыс” өз айдынында “Локомотивті” қабылдайды, деп хабарлайды BasSport.kz тілшісі.
Бүгінгі матч “Барыстың” 2022-2023 жылдар маусымындағы соңғы ойыны болмақ. Өткен ойында Андрей Скабелка шәкірттері “Сібірден” 4:2 есебімен жеңілген.
Ал “Локомотив” болса, Батыс конференциясы турнирлік кестесінде үздік үштікті түйіндеп тұр. Ярославілік хоккейшілер соңғы матчын Омбыда өткізіп, овертаймда “Авангардтан” 4:3 есебімен жеңілген.
Матч Астана уақытымен 19:30-да басталады. Оның тікелей көрсетілімін сайтымыздың “Трансляциялар” бөлімінен көруге болады.
Olimpbet бұл матчта “Барыс” жеңеді дегенге 2.75, “Локомотив” жеңеді дегенге 1.45 коэффициент ұсынып отыр.