"Барыс" "Амурдан" тағы жеңілді
Хоккей
Құрлықтық хоккей лигасы тұрақты маусымы аясында Хабаровскіде "Барыс" пен "Амур" арасындағы екінші матч аяқталып, астаналық ұжым минималды есеппен жол берді, деп хабарлайды bassport.kz тілшісі.
Астаналық хоккейшілердің гол соғатын мүмкіндігі көп болғанымен, қарсылас қақпашысы Евгений Аликин мүлтіксіз ойнады. Бірде-бір гол соға алмаған елордалық команда қатарынан екінші рет жеңіліс тапты әрі Линден Вейдің 8 матчқа жалғасқан нәтижелі сериясы үзілді. Сондай-ақ, осы ойыннан кейін "Амур" мен "Барыстың" ұпай сандары теңесті.
"Амур" (Хабаровск) - "Барыс" (Астана) - 1:0 (1:0, 0:0, 0:0)
1:0 - 17:08 - Дубакин (Гребенкин, Дрозг) СБШ
Қақпашылар: Аликин - Гудачек