Роман Савченко мансабын қайда жалғастыратыны белгілі болды
Хоккей
Осыдан бірнеше күн бұрын астаналық "Номад" клубымен келісімшартын бұзған қорғаушы Роман Савченко мансабын еуропалық клубтардың бірінде жалғайды, деп хабарлайды bassport.kz тілшісі.
Дереккөздің хабарлауынша, 34 жастағы қазақстандық қорғаушы маусымды Румынияда жалғастырады. Еске салайық, биылғы маусымда Роман Савченко 26 кездесуге қатысып, 9 (3+6) ұпай жинаған. Ал жалпы қазақстандық қорғаушының Құрлықтық хоккей лигасында мол тәжірибесі бар. Ол Лигада 650 кездесу өткізіп, 161 (59+102) ұпай жинаған.