Ресей кәсіби клубтарындағы қазақстандық топ-киберспортшылар нейтрал статуста ойнауға мәжбүр
Киберспорт
Әлемнің топ-ондығына енетін ресейлік киберспорт клубтарын бірқатар ірі турнирлерге қатыстырмай жатыр. Мұндай ахуал құрамындағы ойыншылардың азаматтығына емес, ұйымның өзі қай елде тіркелгеніне, қандай демеушілері бар екеніне қатысты турнир операторлары тарапынан жасалып отыр.
CS:GO дисциплинасындағы кәсіби қазақстандық киберспортшылар Тимур «Buster» Төлепов, Алексей «Qikert» Голубев өнер көрсететін «Virtus.pro» ұйымы және Абай «Hobbit» Хасеновтың «Gambit Esports» командасы соңғы өткен ірі турнирде бірдей нәтиже көрсеткен еді.
LAN-режимде яғни студиялар мен үлкен аренада өткен Intel Extreme Masters Katowice 2022 чемпионатында екі ұжым да салыстырмалы түрде тәуір өнер көрсетіп, 5-6 орынға табан тіреген. Әрқайсысы 40 мың АҚШ долларын иемденгені де бар.
Дегенмен, ендігі ірі чемпионатта командалар елінің туы түгіл, атауын да көрсете алмайды. ESL Pro League Season 15 ұйымдастырушылары «Virtus.pro»-ны да, «Gambit Esports»-ті де қыспаққа алған.
Virtus.pro CS:GO құрамының ойыншылары ESL Pro лигасының 15 маусымында ойнау үшін балама команда атауын таңдады. Команда турнирге Аутсайдерлер (екінші мағынасы - Аластатылғандар) тэгімен қатысады.
«Gambit Esports» басшылығы да ойыншыларына басқа атпен қатысуға шектеу қоя алмады. Құрамның қандай атпен өнер көрсететіні әзір хабарланған жоқ.
Біздің тағы бір отандасымыз Виктор «Lack1» Болдырев ойнайтын «Entropiq» командасы құрамындағы қалған 4 ойыншының ресейлік екеніне қарамастан осы турнирге тып-тыныш қатысып, тіпті өз тобынан 2-орынмен шығып та үлгерді (А тобы турнирді ертерек бастады). Басты себеп – ұйымның өзі ресейлік емес, Чехияда тіркелгенінде.
Киберспорт сарапшысы Александр «Петр1к» Петрик бұған дейін былай деп топшылаған еді:
Дегенмен, ендігі ірі чемпионатта командалар елінің туы түгіл, атауын да көрсете алмайды. ESL Pro League Season 15 ұйымдастырушылары «Virtus.pro»-ны да, «Gambit Esports»-ті де қыспаққа алған.
Virtus.pro CS:GO құрамының ойыншылары ESL Pro лигасының 15 маусымында ойнау үшін балама команда атауын таңдады. Команда турнирге Аутсайдерлер (екінші мағынасы - Аластатылғандар) тэгімен қатысады.
«Gambit Esports» басшылығы да ойыншыларына басқа атпен қатысуға шектеу қоя алмады. Құрамның қандай атпен өнер көрсететіні әзір хабарланған жоқ.
Біздің тағы бір отандасымыз Виктор «Lack1» Болдырев ойнайтын «Entropiq» командасы құрамындағы қалған 4 ойыншының ресейлік екеніне қарамастан осы турнирге тып-тыныш қатысып, тіпті өз тобынан 2-орынмен шығып та үлгерді (А тобы турнирді ертерек бастады). Басты себеп – ұйымның өзі ресейлік емес, Чехияда тіркелгенінде.
Киберспорт сарапшысы Александр «Петр1к» Петрик бұған дейін былай деп топшылаған еді:
«Менің ойымша, ресейлік-украиндық CS:GO, Dota немесе басқа ойын командалары болуы мүмкін емес. Құрамда адекват адамдар мен достарың болса да, мұндай бестікке дайындық пен жарыс процесін ұйымдастыру қиынға соғады. Ресейліктер көп турнирлерге келе алмайды. Қазақстан мен Балтық жағалауы елдерінің ойыншылары үшін ресейліктермен ойнау, ресейлік клубтарда ойнау мәнсіз болады, өйткені бұл қажетсіз проблемаларды тудырады. Еуропалық клубтардың ресейліктермен және белорустармен жұмыс істегісі келуі екіталай. Алдағы айларда үлкен өзгерістер болады, бұл сөзсіз».ESL Pro League маусымы Дюссельдорф қаласында 09.03.2022 - 10.04.2022 аралығында өтіп жатыр. Жалпы жүлде қоры - 823 000 АҚШ доллары. Мерей Ермұханов