Қазақстан жастар арасындағы грек-рим күресінен әлем чемпионатында үздік бестікке енді
Күрес
olympic.kz
Болгарияның Самоков қаласында өткен грек-рим күресінен 20 жасқа дейінгі әлем чемпионатында Қазақстан құрамасы табысты өнер көрсетті. Жерлестеріміз төрт медаль жеңіп алып, медальдық есепте 9-орынға, ал ұпайлық есепте 5-орынға тұрақтады, деп хабарлайды Bassport.kz.
Қазақстандық балуандардың жетістіктері:
• Диас Сейтқалиев (82 кг) – күміс жүлде
• Арсен Жұма (55 кг) – қола жүлде
• Юсуф Ашрапов (72 кг) – қола жүлде
• Темірлан Тұрдақын (87 кг) – қола жүлде
Жарыстың медальдық есебінде Ресей құрамасы көш бастаса, ұпайлық есепте Иран бірінші орынға шықты. Айта кетейік, ресейлік және беларусь спортшылары ресми хаттамаларда бейтарап мәртебемен көрсетілгендіктен, ұпайлық есепке енгізілмеді.