Жәнібек Әлімханұлы екі әлемдік белбеу үшін өткен жекпе-жекте нокаутпен жеңіске жетті (ВИДЕО)
Бокс
Нұрғали Жұмағазы
Қазақстандық боксшы Жәнібек Әлімханұлы (16-0, 11 KO) Астанада өткен бокс кешінде шаршы алаңға шығып, кезекті титулды кездесуін өткізді, деп хабарлайды Bassport.kz.
Орта салмақта өнер көрсететін Әлімханұлы бұл жолы франциялық Анауэль Нгамиссенгемен (14-0, 9 KO) жұдырықтасты. Жекпе-жекте WBO және IBF тұжырымдары бойынша әлем чемпионы атақтары сарапқа салынды. 12 раундқа жоспарланған кездесу бесінші раундта аяқталды. Жәнібек қарсыласын нокаутқа түсіріп, айқын жеңіске жетті. Бұған дейін француз боксшысы нокдаунға да түскен еді.
Осылайша, Жәнібек Әлімханұлы кәсіпқой бокстағы 17-ші жеңісіне қол жеткізді және екі чемпиондық белбеуін сәтті қорғады. Ал Анауэль Нгамиссенге кәсіпқой мансабындағы алғашқы жеңілісіне ұшырады.