Баходир Жалолов Хусанов жайлы пікір білдірді
Бокс
Olympic.uz
Өзбекстандық танымал боксшы Баходир Жалолов The Ring журналына берген сұхбатында елдегі спорт деңгейіне қатысты ойымен бөлісіп, «Манчестер Сити» клубында ойнайтын Абдуқодир Хусановты ерекше атап өтті. Бұл туралы Bassport.kz хабарлайды.
— Өзбекстанда спорт күн сайын дамып келеді. Енді міне, Абдуқодир Хусанов «Манчестер Сити» сапында ойнап жүр. Мен өзім басқаратын жеке бокс мектептерім бар, ал президент бұл бастамаларды қолдайды. Өзбекстандағы өмірім тамаша, маған бәрі ұнайды, — деді Жалолов.
Айта кетейік, Баходир Жалолов (14-0, 14 KO) 5 сәуір күні Астанада өтетін бокс кешінде украиналық Игорь Шевадзуцкиймен (12-2, 10 KO) кездеседі.
Ал Абдуқодир Хусанов қазіргі таңда «Манчестер Сити» клубында тоғыз матчқа қатысып, бір гол соққан. Ол — Өзбекстан ұлттық құрамасының қорғаушысы.