Али Алиев: «Ордабасы» тактикалық жағынан ең қызықты команда болады
Футбол
KFF
Қазақстан құрамасының бас бапкері Али Алиев Шымкенттің «Ордабасы» клубын жаңа маусымда тактикалық тұрғыдан ең қызықты команда деп атады, деп хабарлайды BasSport.kz.
Қысқы маусымаралық кезеңде «Ордабасы» бас бапкерлік қызметке молдовалық маман Андрей Мартинді тағайындады.
”«Ордабасы» командасын бақылау өте қызықты болады. Себебі олар ойыншылар құрамын толығымен өзгертті және жаттықтырушылар штабының форматын жаңартты. Олардың тактикалық жүйесі өте икемді, бірақ оның қаншалықты жемісті болатынын ресми ойындар көрсетеді. Контрольдік матчтарды ресми кездесулермен салыстыруға болмайды, себебі мұнда жаттықтырушылар мен ойыншылар үш ұпай үшін күресте мүлде басқа қысым сезінеді”, – деді Алиев ҚФФ баспасөз қызметіне берген сұхбатында.