Даулет Тұрлыханов Ризабек Айтмұханның болашағы туралы пікір білдірді
Күрес
ҰОК
Қазақстанның грек-рим, еркін және әйелдер күресі федерациясының президенті Даулет Тұрлыханов еркін күрес шебері Ризабек Айтмұханның болашағына қатысты пікір білдірді, деп хабарлайды Bassport.kz.
— Еркін және грек-рим күресінен әлем чемпиондары бар. Бізді барлық жас санаттары бойынша әлем чемпионатын жеңген Ризабек Айтмұханның тұрақты нәтижесі қуантады. Бұл жігітті келесі Олимпиадаға дейін дайындау керек деп ойлаймын, ол 2028 жылы бабында болады деп сенемін, — деді Даулет Турлыханов «24KZ» телеарнасына берген сұхбатында.
Айта кетейік, қазан айында Ризабек Айтмұхан Тиранада өткен жастар арасындағы әлем чемпионатында топ жарды.