«Шавкат жылқыны барлық түрінде жақсы көреді». UFC-де Рахмонов туралы пікір білдірді
Жекпе-жек
Әлеуметтік желі
Америкалық UFC комментаторы Джо Роган қазақстандық файтер Шавкат Рахмоновтың ерекшелігі туралы айтты, деп хабарлайды Bassport.kz Sport24.ru-ға сілтеме жасап.
— Иә, көптеген адамдар жылқы етін жейді. Шавкат Рахмонов, UFC-дің жартылай орта салмақтағы бірінші нөмірлі үміткері, бұл оның сүйікті тағамы. Иә, ол Қазақстаннан шыққан — жылқыға мінеді, жылқының етін жейді. Қысқасы, Шавкат жылқыны барлық түрінде жақсы көреді, — деді Роган өзінің подкастында.
Айта кетейік, Шавкат Рахмонов ММА-де 19 жекпе-жек өткізіп, барлығында жеңіске жеткен (оның 18-і мерзімінен бұрын). Ол UFC-дің жартылай орта салмақ рейтингісінде 2-орында тұр.