“Жек көремін”: Белал Мухаммад Шавкат Рахмоновты сынады
UFC
Шавкат Рахмоновтың Иэн Гэрриге қарсы жекпе-жектегі өнері UFC-дің жартылай орта салмақтағы чемпионы Белал Мухаммадтың ашуын туғызды, деп хабарлайды Bassport.kz.
Мухаммад Рахмоновтың жеңісті жарақатымен ақтап алуға тырысуына наразылық білдірді:
“Мен жігіттердің жеңгеннен кейін ақталатынын жек көремін. Сен жеңіске жеттің, бұл үшін ешкімнен кешірім сұраудың қажеті жоқ. Егер сен қарсыласыңды нокаутқа жібере алмасаң, оны жарақатыңмен түсіндірудің қажеті жоқ. Бұл сенің қарсыласыңа деген құрметсіздігің,” – деді Мухаммад Anik and Florian Podcast YouTube арнасындағы сұхбатында.
Еске сала кетейік, 8 желтоқсанда UFC 310 турнирінде Шавкат Рахмонов Иэн Гэрриді төрешілердің бірауызды шешімімен жеңіп, Белал Мухаммадпен чемпиондық белбеуге таласуға ресми үміткер атанған болатын. Жекпе-жек 2025 жылы өтеді деп күтілуде.