Шавкат Рахмонов UFC рейтингінде ресми түрде жоғарылады
Жекпе-жек
Ufc
UFC жартылай орта салмақта өнер көрсететін қазақстандық спортшы Шавкат Рахмоновтың жаңартылған рейтингін жариялады, деп хабарлайды Bassport.kz.
Жаңа рейтингте Шавкат үшінші орыннан екінші орынға көтерілді, ал оның бұрынғы орнын Камару Усман басты. Дивизионның бірінші орнында бұрынғы чемпион Леон Эдвардс қалды.
Еске сала кетейік, 8 желтоқсан күні Шавкат Рахмонов ирландиялық Иэн Гэрриді төрешілердің бірауыздан шешімімен жеңіп, UFC титулына басты үміткер атанды. Бұл титулдың қазіргі иегері — Белал Мұхаммад. Ал Гэрри жеңілісінен кейін жетінші орында қалды.