2034 жылғы әлем чемпионаты Сауд Арабиясында қыста өтуі мүмкін
Футбол
Global Look Press
Футболдан 2034 жылғы әлем чемпионаты тарихта екінші рет жазда емес, қыста өтуі ықтимал, деп хабарлайды Bassport.kz.
2034 жылғы мундиальды өткізуге жалғыз өтінім берген ел – Сауд Арабиясы. Турнирді ұйымдастырушы ел 11 желтоқсанда өтетін ФИФА конгресінде ресми түрде анықталады.
Daily Mail басылымының мәліметінше, Сауд Арабиясындағы жазғы аптап ыстыққа байланысты турнирді қыс мезгілінде өткізу ықтималдығы жоғары. Мундиальдің қаңтар айының басында басталуы талқыланып жатыр.
Айта кетейік, 2022 жылы Катарда өткен әлем чемпионаты 20 қараша мен 18 желтоқсан аралығында ұйымдастырылған болатын.