Абылайхан Жүсіпов Азия чемпионатының жартылай финалына шықты
ҰОК
Қазақстандық боксшы Абылайхан Жүсіпов Тайландтың Чиангмай қаласында өтіп жатқан Азия чемпионатының ширек финалында өнер көрсетті.
71 келіге дейінгі салмақта Жүсіпов 2022 жылғы Азия ойындарының қола жүлдегері, Түрікменстан өкілі Байрамдурды Нұрмұхаммедовпен кездесті. Үш раундтың қорытындысы бойынша төрешілер бірауыздан (5:0) жеңісті Абылайханға берді. Ал үшінші раундта Жүсіпов қарсыласын нокдаунға жіберіп, айқын басымдылығын дәлелдеді. Осылайша, қазақстандық спортшы жартылай финалға жолдама алып, ең кемі қола жүлдені қамтамасыз етті.
Айта кетейік, Абылайхан Жүсіпов – әлем чемпионаттарының үш дүркін қола жүлдегері және 2017 жылғы Азия чемпионатының күміс жүлдегері. 2020-2023 жылдар аралығында кәсіпқой бокста (рекорды – 4-0, 3 KO) өнер көрсетіп, кейіннен әуесқой боксқа қайта оралған.