Дулат Бекбауов жартылай финалға өтті
Бокс
Әлеуметтік желі
Қазақстандық былғары қолғап шебері Дулат Бекбауов Таиландтың Чиангмай қаласында өтіп жатқан Азия чемпионатының жартылай финалына жолдама алды, деп хабарлайды Bassport.kz.
67 келі салмақ дәрежесінде ширек финалда Бекбауов малайзиялық Мұхаммад Ариф Айманмен кездесті. Бірінші және екінші раундта Дулат қарсыласын екі рет нокдаунға жіберсе, үшінші раундта төреші жекпе-жекті тоқтатуға мәжбүр болды. Осылайша, Дулат Бекбауов айқын басымдықпен жеңіске жетіп, жартылай финалға жолдама алды. Бұл нәтиже оған кемінде қола медальды қамтамасыз етті.
Еске салайық, Бекбауов 1/8 финалда Тайвань спортшысы Цзя Юнь Чиуань Ванды бір ауыздан шыққан төрешілер шешімімен жеңген болатын.