Гарри Рахмоновпен жекпе-жек туралы: «Мен бүкіл әлемді таңғалдырмақпын»
Жекпе-жек
Instagram: @iangarry
UFC-дің файтері Иан Гарри қазақстандық Шавкат Рахмоновпен өтктін алдағы жекпе-жек туралы пікір білдірді, деп хабарлайды Bassport.kz.
«Барлығы бұл жігітті біздің дивизионның нағыз қорқынышты қарсыласы деп ойлайды. Мен 8 желтоқсан күні октагонға шығып, бүкіл әлемді таңғалдырмақпын», — деп мәлімдеді Гарри Home of Fight порталына берген сұхбатында.
Рахмонов пен Гарри 8 желтоқсанда Лас-Вегас (АҚШ) қаласында өтетін UFC 310 турнирінде жартылай орта салмақта бес раундтық жекпе-жек өткізеді.
Айта кетейік, Шавкат Рахмонов ММА-де 18 жекпе-жек өткізіп, барлығында мерзімінен бұрын жеңіске жеткен. Ал Иан Гарридің есепшотында 19 жеңіс бар және ол да әлі жеңіліп көрмеген.