Қазақстандық командалар элиталық кезеңде алғашқы матчтарын өткізді
“Қайрат” футзал клубы
Футзалдан қазақстандық командалар Чемпиондар лигасының элиталық кезеңіндегі алғашқы матчтарын өткізді, деп хабарлайды Bassport.kz Prosports.kz-ке сілтеме жасап.
«Семей» алғашқы матчында испаниялық «Пальмаға» есе жіберді. Қорытынды есеп – 1:4. Алматылық «Қайрат» элиталық кезеңдегі алғашқы матчында франциялық «Этуаль» командасымен кездесіп, 4:2 есебімен жеңді. «Семей» келесі матчын польшалық «Рекордқа» қарсы өткізеді, ал «Қайрат» хорватиялық «Олмиссуммен» кездеседі. Екі ойын да 28 қараша күні өтеді.
Айта кетейік, алматылықтар В тобында «Этуаль» (Франция), «Олмиссум» (Хорватия) және «Футзал Динамо» (Хорватия) командаларымен кездеседі. Семейліктер D тобында «Пальма» (Испания), «Рекорд Бельско-Бяла» (Польша) және «Мимел Лученец» (Словакия) клубтарымен ойнайды.