Олимпиадаға іріктеу: Қазақстан құрамасының қарсыластары анықталды
Хоккей
D тобында Қазақстан хоккейшілеріне Словакия, Австрия және Венгрия құрамалары қарсылас болады, деп хабарлайды BasSport.kz.
Қазақстан бұл топта 2026 жылғы Олимпиада ойындарының жолдамасы үшін таласады. Ойындар 29 тамыз бен 1 қыркүйек аралығында Словакия астанасы Братислава қаласында өтеді.
Ерлер арасындағы хоккей турниріне дәстүрлі түрде 12 хоккей командасы қатысады. Бұлар: 2023 жылғы әлем чемпионатынан кейінгі IIHF рейтингіне сәйкес ең үздік 8 құрама, олимпиадалық іріктеуде жеңіске жеткен 3 құрама және қысқы Олимпиаданы өткізетін ел ретінде Италия құрамасы.