Александр Усиктің келесі қарсыласы белгілі болды
Бокс
getty images
WBA, IBF WBO тұжырымдамалары бойынша аса ауыр салмақтағы әлем чемпионы Александр Усиктің келесі қарсыласы белгілі болды, деп хабарлайды bassport.kz тілшісі.
Украиналық былғары қолғап шебері енді хорватиялық Филип Хрговичпен жұдырық түйістіреді. Бұл туралы боксшының агенті Эгис Климас айтты. Хргович IBF тұжырымдамасы бойынша міндетті үміткерлердің бірі.
"Хргович міндетті үміткерлердің бірі. Фьюримен жекпе-жек өткізгіміз келсе, тездетуіміз керек, Егер бұл қолымыздан келмесе, келесі қарсылас Хргович болады", - деді Эгис Климас деп жазады BoxingScene.
Айта кетейік, өткен сенбіде Александр Усик ұлыбританиялық Даниэль Дюбуамен жұдырықтасып, тоғызыншы раундта технкиалық нокаутпен жеңіске жеткен болатын.