Шахмат: Карлсен әлем чемпионы атағы үшін таласа ма
Басқа
Getty Images
Шахматтан 16-әлем чемпионы норвегиялық грссмейстер Магнус Карлсен Aimchess Rapid онлайн турнирінен кейін классикалық шахматтан әлем чемпионы атағы үшін таласқа түсуге қатысты жоспарымен бөлісті, деп хабарлайды BasSport.kz тілшісі.
“Хм… Қазіргі ережелерді есепке алсақ, әлем чемпионы атағы үшін таласқа түспеймін”, - деп жауап берді Карлсен матчтан кейін берген сұхбатында.
Еске салайық, классикалық шахматтан 2023 жылғы әлем чемпионаты Астанада өтіп, онда қытайлық Дин Лижэнь топ жарған болатын. Негізінде, шахмат тәжіне Магнус Карлсен мен ресейлік Ян Непомнящий таласуы керек болған. Бірақ, норвегиялық шахмат шебері әлем чемпионы атағын қорғаудан бас тартты. Осылайша, 17-әлем чемпионы атағына Ян Непомнящий мен Дин Лижэнь таласып, қытайлық гроссмейстер тай-брейкте жеңіске жеткен еді.