Бүгін Доха татамиіне екі дзюдошымыз шығады
Дзюдо
Бүгін дзюдодан Катар астанада Дохадағы әлем чемпионатының екінші күні өтеді, деп хабарлайды BasSport.kz тілшісі.
Жарыстың екінші күнінде Доха татмиіне екі отандасымыз шығады.
Әйелдер арасында 52 келіге дейінгі салмақта бақ сынайтын Толғанай Әбеуова жарыс жолын бастап, оңтүстік кореялық Сеюн Лданмен сынға түседі.
Ал ерлерден ел намысын Ғұсман Қырғызбаев (66 келі) қорғап, перулық Хуан Постигоспен шеберлік байқасады.
Әлем біріншілігі екінші жарыс күнінің іріктеу сайыстары Астана уақытымен 13:30-да басталады. Отандастарымыздың жекпе-жегін Qazsport телеарнасынан немесе Judotv.com сайтынан көруге болады.