"Астана" "Самарадан" ірі есеппен жеңілді
Баскетбол
ВТБ Бірыңғай лигасы тұрақты маусымы аясында "Астана" өз алаңында "Самараны" қабылдап, ойсырай жеңілді. Қазақстандық команда төрт кезең бойы қарсыласынан артта қалып отырды, деп хабарлайды bassport.kz тілшісі.
Астаналық клуб "Самарадан" бірінші ширекте 15:21, екінші кезеңде 13:27, ойынның үшінші және төртінші бөліктерінде 11:27 және 12:24 есептерімен жеңілді. Нәтижесінде, "Астана" өз жанкүйерлерінің алдында қарсыласынан 51:99 есебімен ойсырай ұтылды.
Қазақстандық команда сапынан Даниил Аксенов (16 ұпай), Майкл Майерс (13 ұпай) пен Кваме Вон (9 ұпай) нәтижелі ойын өрнегін көрсетті.
"Астананың" келесі ойыны 7 қаңтар күні өтеді. Қазақстандық баскетболшылар өз алаңында Санкт-Петербургтің "Зенитін" қабылдайды.