Қазақстан құрамасы Фарер аралдарымен тең түсті
Футбол
ҚФФ
Футболдан UEFA Ұлттар лигасының төртінші турында Қазақстан құрамасы елордада Фарер аралдарымен кездесті, деп хабарлайды Bassport.kz.
Қонақтар сапынан ойынның 22-минутында Петр Кнудсен гол соғып, Фарер аралдарын есепте алға шығарды. Матчтағы екінші голды да Эйдуе Клакстейн жаттықтыратын құраманың футболшысы салды. 63-минутта Геза Давид Туридің бағыттаған добы қақпа торында тулады. Алайда қонақтардың сапынан 65-минутта Мартин Агнассон ереже бұзып, алаңнан қуылды. Осыдан соң қазақстандықтар шабуылды үдетті. Қос қорғаушымыз Сергей Малый мен Нұралы Әліп айналдырған 10 минуттың ішінде бір-бір голдан соғып, таразы басын теңестірді.
Осылайша Қазақстан құрамасы кезекті мәрте Фарер аралдарымен тең тарқасты.