"Астана" қатарынан сегізінші рет жеңіліс тапты
Баскетбол
Елордалық "Астана" баскетбол клубы ВТБ Бірыңғай лигасы аясында сырт алаңда "Енисеймен" матч өткізіп, 89:76 есебімен жеңілді, деп хабарлайды BasSport.kz тілшісі.
Олег Кисилевтің шәкірттері төрт ширектің үшеуінде қарсыласына (23:17, 20:18, 25:10) есе жіберді, тек матчтың төртінші бөлігінде ғана 21:31 есебімен алға шықты. Алайда ол жеңіске жету үшін жеткіліксіз. Сөйтіп, "Астана" баскетбол клубы қатарынан сегізінші рет жеңіліс тауып, қазір турнирлік кестеде соңғы орында тұр.
Осы матчта Кваме Мон 18, Майкл Майерс 17 ұпай еншілеп, қазақстандық клуб сапынан үздік нәтиже көрсетті.
4 желтоқсан күні "Астана" Санкт-Петербургте "Зенитке" қарсы ойын өткізеді.