Бек Нұрмағанбет WBA рейтингінің топ-10 қатарына енді
Бокс
Екінші орта салмақтағы қазақстандық кәсіпқой боксшы Бек Нұрмағанбеттің (8-0, 6 КО) WBA рейтингісіндегі орны белгілі болды.
Айта кетейік, отандасымыз 22 қазан күні Мехикода өткен бокс кешіне қатысып, онда жергілікті боксшы Лусиано Араухоны (6-6-3, 3 КО) нокаутқа түсірген болатын. Бұл жеңістен кейін қазақстандық спортшы екінші орта салмақтағы WBA рейтингінде 11-ден 10-орынға көтерілді.
Осы дивизиондағы Айдос Ербосынұлы (16-0, 11КО) бірінші орында қалды. Екінші позицияда – америкалық Калеб Плант, үшінші орында Канада өкілі — Эрик Базинян.
Сондай-ақ, әлемнің «суперчемпионы» - мексикалық Сауль «Канело» Альварес, ал «қарапайым» белдігіне кубалық кіші-Давид Моррель (7-0, 6 КО) ие.