«Қайрат» — «Картахена»: Еуропа шыңын бағындыру жолындағы шешуші айқас
Футзалдан екі дүркін UEFA Futsal Champions League жеңімпазы алматылық Қайрат турнирдің ширек финалына шықты.
Бүгін, 23 ақпан күні алматылықтар Алматыдағы Балуан Шолақ атындағы спорт кешенінде Испания чемпионы Картахена командасымен алғашқы кездесуін өткізеді. 1/8 финалда «Қайрат» Бельгияның Андерлехт клубымен кездесіп, екі ойын қорытындысы бойынша қарсыласын 12:6 есебімен сенімді түрде жеңді. Осылайша алматылықтар Еуропаның үздік сегіздігіне енді.
Ширек финалдағы қарсылас — Испанияның қазіргі чемпионы «Картахена». Испан футзал мектебі әлемдегі ең мықты жүйелердің бірі саналады. Команда тактикалық тұрғыдан сауатты, техникалық шеберлігі жоғары ойыншылардан құралған. «Қайрат» үшін бұл кездесу маусымдағы ең үлкен сынақ болмақ.
Қарымта матч 6 наурыз күні Испанияда өтеді. Жартылай финал жолдамасының иесі дәл осы кездесуде анықталады.
Еркенұр Дәуренқызы