УЕФА «Қайрат» қақпашысына ерекше лақап ат берді
Футбол
kff.kz
Еуропалық футбол қауымдастықтары одағының (УЕФА) ресми парақшасы Алматының «Қайрат» клубының қақпашысы Темірлан Анарбековке қатысты арнайы жазба жариялады, деп хабарлайды Bassport.kz.
Онда 21 жастағы қақпашының Шотландияның «Селтигіне» қарсы өткен Чемпиондар лигасының плей-офф кезеңіндегі пенальтилер сериясында жасаған үш бірдей сейві көрсетілген. Дәл осы сәттердің арқасында алматылықтар тарихи жеңіске жетіп, тұңғыш рет Еуропаның басты клубтық додасының негізгі кезеңіне жолдама алды.
Жарияланған бейнематериалда «Өткізбес Анарбеков» деген жазу қойылып, оның сенімді ойыны ерекше бағаланған.
Айта кетейік, шебер ойынымен көзге түскен Темірлан Анарбековтің әлеуметтік желілердегі жазылушылары матчтан кейін күрт артты.