УЕФА Чемпиондар лигасының финалы жаңа уақытта өтеді
Футбол
Sports24.kz
УЕФА Чемпиондар лигасының финалдық матчының басталу уақыты өзгертілді, деп хабарлайды Bassport.kz Sport24.ru-ға сілтеме жасап.
2025/26 маусымынан бастап турнирдің шешуші кездесуі бұрынғыдай 21:00-де емес, орталық еуропа уақытымен 18:00-де (Астана уақытымен 22:00-де) басталатын болды.
Бұл шешім жанкүйерлердің, командалардың және қабылдаушы қалалардың жағдайын жақсарту мақсатында қабылданған. УЕФА матч күнін барынша ыңғайлы етіп ұйымдастырып, жанкүйерлер үшін отбасылық әрі қолайлы атмосфера жасауды көздейді.
— Бұл өзгеріс арқылы біз жанкүйерлердің әсерін бірінші орынға қоямыз. Чемпиондар лигасының финалы — футбол маусымының шарықтау шегі. Жаңа уақыт оны қолжетімді, инклюзивті және әсерлі ете түседі. Сенбі күні ертерек басталуы матчтың да ертерек аяқталуына мүмкіндік береді, сондықтан көрермендер ойыннан кейінгі кешті отбасымен және достарымен өткізе алады, — деді УЕФА президенті Александер Чеферин.