Темірлан Анарбеков рекордты жаңартып, ҚПЛ-дың ең танымал ойыншысы атанды

Футбол
kff.kz
Қазақстандық футболшылар арасында әлеуметтік желілерде дәл мұндай қарқынмен өсім көрсеткен ешкім болмаған. Алматының «Қайрат» клубының 21 жастағы қақпашысы Темірлан Анарбеков небәрі 38 сағат ішінде жазылушылар санын 1800-ден 131 мыңға дейін көбейтті, деп хабарлайды Bassport.kz «Спорт Шредингерге» сілтеме жасап.
Осылайша ол еліміздегі ең танымал футболшылардың бірі атанып, Қазақстан Премьер-Лигасында (ҚПЛ) әлеуметтік желідегі №1 ойыншы болды.
Бұл көрсеткішке Анарбековтың УЕФА Чемпиондар лигасындағы сенсациялық ойыны тікелей әсер етті. «Селтикке» қарсы өткен плей-офф кезеңінде қазақстандық қақпашы пенальти сериясында бес соққының үшеуін қайтарып, «Қайраттың» тарихи жеңісіне және турнирдің топтық кезеңіне жолдама алуына үлкен үлес қосты.