Джек Дрейпер Ұлыбританиядағы топырақта (грунтта) ойнау туралы: «Уақытым көп болмады»
Теннис
Getty Images
Әлемнің бесінші ракеткасы, британдық теннисші Джек Дрейпер классикалық топырақ жамылғысында ойнаудың қиындығы туралы айтты. Ол Ұлыбританияда мұндай жабынмен корттардың жоқтығы бұл мәселеге себеп екенін жеткізді, деп хабарлайды Bassport.kz сайты.
«Англияда жасыл топырақ бар. Бірақ ол қызыл топырақпен бірдей емес. 12–14 жасымда Еуропаны аралап, топырақ жамылғысындағы корттарда ойнайтынмын, және сол кезде ойыным жаман емес еді. Әрине, ол деңгей кәсіби турдағыдан мүлде бөлек.
Меніңше, бұл – ерекше дайындықты қажет ететін жабын түрі. Оңтүстік Америкада, Испанияда өскен балалардың көбі осындай топырақта ойнап жетіледі. Ұлыбританияда ауа райы мен жағдайларға байланысты хард жамылғысы бар корттар әлдеқайда көп.
Сол себепті маған топырақта ойнауға мүмкіндік түскен кезде, әрдайым ләззат аламын. Себебі бұл жабын менің ойыныма сай келеді деп ойлаймын. Әлі де үйреніп жүрмін, өйткені бала күнімде ондай мүмкіндіктерім аз болды», – деді Дрейпер.