Төрехан Сабырхан маңызды мәлімдеме жасады
Бокс
ҰОК
Қазақстандық жас боксшы Төрехан Сабырхан енді Атырау облысының намысын қорғайтын болды, деп хабарлайды Bassport.kz.
Бұған дейін спортшы Түркістан облысы атынан өнер көрсеткен. Енді ол Қазақстан чемпионаты секілді ішкі додаларда Атырау атынан шығады.
— Иә, мен енді Атырау атынан рингке шығамын. Өзім үшін бұл мәселені толық шешіп қойдым. Түркістан жағында аздаған техникалық мәселелер бар, бірақ ауысу рәсімі аяқталды. Бұл енді соншалықты сенсация емес. Ең бастысы — біз бәріміз Қазақстан атынан өнер көрсетеміз. Ал ішкі жарыстарда мен енді Атырауды таныстырамын, — деді Сабырхан «Бірінші бол» подкастында.
Төреханның ағасы, кәсіпқой боксшы Махмуд Сабырхан да бұл шешімге пікір білдірді. Оның айтуынша, Түркістан облысы халықаралық жетістіктерден кейін тиісті қолдау көрсетпеген, сол себепті інісі аймақ ауыстыруға мәжбүр болған.