Махмуд Сабырхан «мектеп оқушысына» ұқсаған қарсыласын ұрып-соғып, нокаутпен жеңіске жетті
Бокс
Нұрғали Жұмағазы
Қазақстандық боксшы Махмуд Сабырхан кәсіпқой бокстағы алғашқы жекпе-жегін сәтті өткізді, деп хабарлайды Bassport.kz.
Астанада өткен бокс кешінде Сабырхан 19 жастағы вьетнамдық Данг Дак Хайнхпен (2-1, 2 KO) жұдырықтасты. Әлі салмақ өлшеу рәсімінде-ақ Хайнх көрермендерді күлдірген: көзілдірігі мен бойы оны мектеп оқушысындай етіп көрсеткен болатын.
Махмуд Сабырхан бірінші және екінші раундтарда қарсыласын үш рет нокдаунға түсіріп, екінші раундта техникалық нокаутпен жеңіске жетті. Рефери үшінші құлаудан кейін жекпе-жекті тоқтатты.
Осылайша, Махмуд Сабырхан кәсіпқой мансабын сенімді жеңіспен бастады. Ал вьетнамдық боксшы үшін бұл екінші жеңіліс болды.