Қазақстандық ару Балауса Мұздыман қарсыласын ойсырата жеңді
Бокс
Нұрғали Жұмағазы
Қазақстандық кәсіпқой боксшы Балауса Мұздыман (6-0, 5 KO) Астанада өткен бокс кешінде кезекті жекпе-жегін өткізіп, жеңісті жолын жалғастырды. Бұл туралы Bassport.kz хабарлайды.
Балауса бұл жолы филиппиндік Мария Тереза Пинилимен (7-1, 2 KO) қолғап түйістірді. Жеңіл салмақта өткен жекпе-жек сегіз раундқа жоспарланған болатын. Алайда отандасымыз қарсыласын басынан-ақ толықтай басымдықпен қыспаққа алып, төрешілердің бірауызды шешімімен жеңіске жетті.
Осылайша, Балауса Мұздыман кәсіпқой бокстағы жетінші жеңісіне қол жеткізді және әзірге жеңілістің ащы дәмін татып көрмеген. Ал филиппиндік боксшы бұл жолы өз мансабындағы екінші жеңілісіне ұшырады.