Тчуамени мадридтік “Реал” сапында тарихи гол салды
"Франция" құрамасы мен мадридтік "Реалдың" жартылай қорғаушысы Орельен Тчуамени кеше түнде Испания Кубогының жартылай финалдық кездесуінде "Реал Сосьедадқа" қарсы маусымдағы алғашқы голын соқты.
Бірақ, бұл гол тек Орельен үшін ғана емес, "Реал" үшін ең маңызды гол. Себебі: "Реал" Мадрид өз тарихындағы 10000-шы голын соқты.
Осыған дейінгі соғылған мерейтой голдарды санап кетейік. Реалдың 1000-шы голын 1933 жылы Луис Регейро соқты. 2000-шы голды 1949 жылы Луис Моловни, 3000-шы голды 1959 жылы Энрике Матеос, 4000-ды 1969 жылы Себастьян Флейтас, 5000-ды Хуанито 1982 жылы соқты, 6000-ды Мичел 1991 жылы, 7000-ды Луиш Фигу 2001 жылы, 8000-ды Кәрім Бензема 2010 жылы, 9000-шы голды Гарет Бэйл 2017 жылы және 10 000-шы голды Орельен Тчуамени 2025 жылы соқты.
"Реалдың" ресми 10 000 голы турнирлер бойынша сарапқа салайық. Ішкі турнирлерде: Ла Лигада – 6545, Испания Кубогінде – 1417, Коронация Кубогінде – 4, Испания Суперкубогінде – 75, Эва Дуарте Кубогінде – 3, Лига Кубогінде – 29. Регионалды чемпионатта - 576. Халықаралық турнирлерде: Еуропа Чемпионатының Кубогі/Чемпиондар Лигасы – 1103, Кубок жеңімпаздарының Кубогі – 57, УЕФА Кубогі/Еуропа Лигасы – 111, УЕФА Суперкубогі – 17, Латын кубогі – 10, Құрлықаралық кубок – 10, Клубтық әлем чемпионатында – 43.