Хусанов “Манчестер Сити” сапында қай позицияларда ойнайды
Футбол
Әлеуметтік желі
“Манчестер Сити” командасының бас бапкері Хосеп Гвардиола өзбекстандық қорғаушы Абдукодир Хусановты қай позицияларда пайдалануды жоспарлайтынын айтты, деп хабарлайды Bassport.kz.
«Хусановты оң жақ орталық қорғаушы, оң жақ қорғаушы, сонымен қатар үштік қорғаныстағы орталық және оң жақ орталық қорғаушы ретінде ойнауға болады. Ол бірнеше позицияда ойнауға қабілетті», – деп келтіреді Гвардиоланың сөзін “Манчестер Ситидің” ресми сайты.
20 қаңтарда “Манчестер Сити” француздық “Ланс” клубынан Абдукодир Хусановты сатып алғанын ресми түрде жариялады. Өзбекстан құрамасының 20 жастағы қорғаушысымен келісімшарт 2029 жылдың жазына дейін жасалды. Трансфер құны шамамен 40 миллион еуроға бағаланып отыр.
Еске салайық, “Манчестер Сити” 25 қаңтар күні өз алаңында “Челсимен” кездеседі.