Станислав Черчесовтың орнына кім келеді?
Футбол
Global Look Press
Қазақстан ұлттық құрамасының бас бапкері қызметінен Станислав Черчесов кеткеннен кейін оның орнына 44 жастағы жергілікті маман Әли Әлиев тағайындалуы мүмкін. Бұрын ол «Жеңіс», «Шахтер» және «Астана» жастар құрамасын жаттықтырған. Бұл туралы Bassport.kz Kazfootball-ға сілтеме жасап хабарлады.
Құраманың жаңа бапкері тез арада қажет, өйткені 2026 жылғы әлем чемпионатының іріктеу кезеңі жақында басталады. Қазақстан бір топқа Бельгия, Уэльс, Солтүстік Македония және Лихтенштейнмен түсті.
Станислав Черчесов Қазақстан құрамасын өткен жылдың маусым айынан басқарған болатын. Бірақ оның басшылығымен команда қатарынан алты матчта қарсылас қақпасына гол соға алмады. Ұлттар лигасында Қазақстан Норвегиямен тең түсіп, тек бір ұпай жинады.