Хабиб Нурмагомедов ММА-дан толық қашан кететінін айтты
Жекпе-жек
FightTime
UFC-дің аты аңызға айналған чемпионы, дағыстандық Хабиб Нурмагомедов 2020 жылы спортшы мансабын аяқтаған болатын. Осыдан кейін ол өзін бас бапкер ретінде сынап, үлкен жетістіктерге жетті, деп хабарлайды Bassport.kz vRINGe.com сайтына сілтеме жасап.
Хабибтің ең танымал шәкірттері — жеңіл салмақта UFC чемпионы Ислам Махачев, Bellator/PFL чемпионы Усман Нурмагомедов және жеңіл салмақта UFC-дің үміткері Умар Нурмагомедов.
«Біз бұл спорттың шыңында 7-8 жылдай тұрақтап тұрмыз. Мен чемпион атанғаннан бері дәл осындай деңгейде жұмыс істеп келеміз. Осы уақыт бойы барлық шәкірттерім менімен бірге болды. Әуелде олар менің әкемнің қарамағында жаттыққан, сол кезде мен әлі спорттық мансабымды бастаған едім. Қазір де 6-8 спортшы ең жоғары деңгейде өнер көрсетуде. Олар мансаптарын аяқтаған кезде, мен де бұл спорттан біржола кетемін», — деді Нурмагомедов.
Хабибтің айтуынша, болашақта көптеген дағыстандық чемпиондар пайда болады:
«Бізде өте көп талант бар. Әзірге сіздер оларды білмейсіздер, бірақ олар өте қажырлы және өздерін дәлелдегісі келеді. Жақында біздің спортшылардың арасынан көптеген чемпиондар шығатынына сенімдімін».