Белал Мұхаммад Шавкат Рахмоновты нокаутпен жеңуге уәде берді
Жекпе-жек
Allboxing
UFC ұйымының жартылай орта салмақтағы чемпионы, америкалық Белал Мұхаммад қазақстандық Шавкат Рахмоновпен болатын жекпе-жекте сөзсіз жеңіске жететініне сенімді екенін айтты, деп хабарлайды Bassport.kz.
— Мен өзімді бұл дивизиондағы ең мықты жартылай орта салмақтың жауынгері, әлемдегі ең үздік файтер деп санаймын. Басқа спортшылардың жекпе-жектерін көрген сайын менің олардың барлығынан артық екеніме деген сенімім артады. Маған осыны бүкіл әлемге көрсету мүмкіндігі берілді, және мен оны дәлелдеймін. Шавкатпен төбелескенде, мен оны бірінші жеңген және оны нокаутқа түсірген алғашқы адам боламын, — деді Мұхаммад Submission Radio-ға берген сұхбатында.
Еске сала кетейік, Шавкат Рахмонов пен Белал Мұхаммад былтыр желтоқсан айында жекпе-жек өткізуі керек еді. Алайда, америкалық файтер инфекцияға байланысты бұл кездесуге шыға алмады. Оның орнына Рахмонов Иэн Гэрримен жекпе-жек өткізіп, төрешілердің бірауызды шешімімен жеңіске жетті және Мұхаммадтың чемпиондық белдігіне басты үміткер атанды.