Қазақстан футзал құрамасы әлемнің үздік командасы атағына үміткер болды
KazFootball
Қазақстан футзал құрамасы ұлттық командалар арасында жылдың үздік командасы атағына үміткерлер қатарына енді, деп хабарлайды Bassport.kz.
Futsal Planet номинациясында Қазақстан ерлер арасындағы ұлттық құрамалар арасында үздік команда атағына үміткер ретінде ұсынылған. Сонымен қатар, бұл тізімге тағы тоғыз құрама кірген: Аргентина, Аргентина U-20, Бразилия, Франция, Индонезия, Иран, Марокко, Таиланд және Украина.
2024 жылы Қазақстан құрамасы Өзбекстанда өткен әлем чемпионатына қатысып, ширек финалға дейін жетті. Бұл жолда команда әлемнің экс-чемпионы Португалияны жеңіп, үлкен сенсация жасаған болатын. Турнир жеңімпазы Бразилия құрамасы атанып, финалда Аргентинаны жеңді.
Сонымен қатар, Қазақстан құрамасы УЕФА рейтингінде екінші орында тұр. Бірінші орынға Португалия құрамасы жайғасқан.