Георгий Жуков шетелдік клубтан кетті
Футбол
Әлеуметтік желі
29 жастағы қазақстандық жартылай қорғаушы Георгий Жуков қытайлық «Цанчжоу Майти Лайонс» командасынан келісімшарт мерзімі аяқталуына байланысты кетті, деп хабарлайды Bassport.kz KazFootball.kz-ке сілтеме жасап.
Жуков пен клуб арасындағы келісімшарт 31 желтоқсан күні өз күшін жойды. Хэбэй провинциясының командасы қысқы дайындық жиындарын бастап кеткенімен, Георгий мансабын қайда жалғастыратынын әлі шешпеген. Өткен маусымда Жуков Қытай Суперлигасында 27 матч өткізіп, бір гол соқты.
Айта кетейік, Жуков бұған дейін «Астана», «Қайрат», Бельгияның «Стандард» пен «Беерсхот», Ресейдің «Урал», Нидерландтың «Рода» және Польшаның «Висла» клубтарының намысын қорғаған.