Олимпиада чемпионы жас боксшыларға бауырға соққы жасауды үйретті (ВИДЕО)
Бокс
vjirov.com
Желіде атақты қазақстандық боксшы Василий Жировтың балаларға кеңес беріп жатқан видеосы пайда болды.
1996 жылғы Атланта Олимпиадасының чемпионы және Вэл Баркер кубогының иегері Василий Жиров қазір Қазақстанда жүр. Балқаш қаласының тумасы жас қазақстандық боксшыларға шағын шеберлік сабағын өткізді.
Бейнежазбада “Балқаш жолбарысы” жас спортшыларға қарсыластың денесіне, әсіресе бауырға соққыны қалай тиімді жасауға болатынын көрсетіп жатыр.
Көптеген пікір білдірушілер Василий Жировтың қазақстандық боксты әрдайым қолдап жүретінін атап өтіп, жағымды пікір қалдырды.