«Қайрат» «Химкимен» жолдастық кездесу өткізеді
Футбол
ФК “Қайрат”
Алматылық «Қайрат» Түркияда өтетін оқу-жаттығу жиыны аясында Ресей Премьер-Лигасының «Химки» клубымен жолдастық кездесу өткізеді, деп хабарлайды BasSport.kz.
Матч 14 ақпанға жоспарланған және қос команданың жаңа футбол маусымына дайындығының бір бөлігі болмақ. «Химки» үшін бұл ойын жиындар барысында шетелдік клубқа қарсы өткізілетін жалғыз матч болмақ.
Сонымен қатар, Мәскеу маңындағы ұжым Қазақстандық клубтан бөлек, ресейлік «Черноморец», «СКА-Хабаровск», «Динамо» (Махачкала), «КАМАЗ», «Пари НН», сондай-ақ сербиялық «Явор» командаларымен кездеседі.
Ал «Қайрат» командасы маусымға дайындығын өткен жылдың желтоқсанында Алматыдағы базасында бастаған еді. Енді клуб дайындықты Түркияда жалғастыруда.